Pagina 4 di 8
Re: Le poesie di....
Inviato: sabato 13 dicembre 2008, 22:13
da Antonino
‘E ttrezze ‘e Carulina
(1895) - Versi di S. Di Giacomo
Oj pètteno, che piéttene
‘e ttrezze ‘e Carulina,
damme nu sfizio, scippala,
scippala na matina.
E tu, specchio — addò lùceno
chill’uocchie, addò, cantanno,
ride e se mmira, — appànnete
quanno se sta mmiranno!
Lenzole, addò se stènneno
e ccarne soie gentile,
nfucàteve, pugnitela,
tutto stu mese ‘Abbrile!
E vuie, teste d’anépeta,
d’aruta e resedà,
seccàte ncopp’ a ll’àsteco
faciteve truvà...
Mo ‘o petteno, che pettena
‘e ttrezze ‘e Carulina,
è sempre ‘o stesso petteno
‘e tartaruga fina;
O specchio è de Venezia
e nun ha fatto mossa;
e lienzulelle smoveno
n’addore ‘e spicaddossa...
E manco nun me senteno
l1’aruta e ‘a resedà:
cchiù ampresso, ‘ncopp’a ll’asteco,
Abbrile ‘e ff a schiuppà!
E sti scungiure — è inutile —
nn’ a ponno cchiù arrivà:
cchiù nfama e cchiù simpatica,
cchiù bella assaje se fa!
Re: Le poesie di....
Inviato: venerdì 26 dicembre 2008, 9:54
da Miriam
I REGALI SOTTO L'ALBERO
I regali sotto l'albero
fan felici bambini e adulti,
tutti intenti a scartar doni
a sentirsi allegri e buoni.
Il mio più bel regalo
sotto l’ albero immaginario
che ho costruito in me
solo dentro al mio cuore
è la serenità del sorriso
di tutta la gente
il desiderio di abbracciarci
di essere amici veri.
Clelia Maria Parente
Re: Le poesie di....
Inviato: mercoledì 14 gennaio 2009, 13:22
da Antonino
Fina e lenta
Spaparanze sti llastre 'e stu balcone,
ca quanno chiove fino sí cuntento:
tu t'arricuorde 'e quann' ire guaglione...
ma quanno chiove fino, lento lento.
Guaglione, for' a ll'àsteco,
chi nun s'è mmiso sott' 'a capannella?...
<<Mammà, me piglio 'e ttàvule d’ ‘a tàvula
e cu ddoje seggie faccio 'a casarella...
'A pozzo fa?>> <<Va buono, pigliatelle.
Ma si po' ncasa, e ll'acqua forte scenne,
aiza'e bancarelle e trasetenne>>.
Fermàte ncopp' 'e títtole,
veco na bella cócchia 'e palummielle:
'O masculo, cchiú ardito, vas' 'a femmena
chiove fino, ma lloro nun 'o ssenteno,
nun 'o pponno sentì pecché se vàseno...
E po' è refrisco ll'acqua ncopp' 'e scelle.
S'arapeno'e ffenest' 'e tutt' 'e ccase,
'e balcune cu ll'ellera addirosa.
Cumme fa bene st'aria!
Po' dà sullievo pure a nu malato.
Pè nu ciardino, po', che refrigerio,
ogne sciore addeventa nnargentato!
Ma cumm'è triste pe'nu nnammurato
stu schezzechío ca more e ca nun more,
percia e te trase nfin' a dint' 'o core.
Cumme a chi nun vò chiagnere;
cu ll'uocchie fisse e, niente, nun 'e smove
pè nun sbuttà. Ma 'e llacreme sò llacreme!
Cumme t' 'e può tené si chelle scòrreno?
Ll'uocchie cchiú stanno fisse e cchiú se nfònneno...
È tale e quale a quanno lento chiove.
Nzerrate, rebbazzate stu balcone!
Sta pioggia fina a vuje ve pare bella.
Ma j'mò sò gruosso, nun sò cchiú guaglione,
cumme m' 'a pozzo fa' na casarella?
Manco cu segge e ttàvule...
E pure me dispiace si fernesce...
Nu'mporta... Ce staranno quatte nuvole,
però na lenza'e sole ffase e gghiesce!
(Eduardo De Filippo)
Re: Le poesie di....
Inviato: lunedì 19 gennaio 2009, 20:18
da Antonino
'O rraù
'O rraù ca me piace a me
m' 'o faceva sulo mamma.
A che m'aggio spusato a te,
ne parlammo pè ne parlà.
Io nun songo difficultuso;
ma luvammel' 'a miezo st'uso.
Si va buono: cumme vuò tu.
Ma ce avessem' appiccecà?
Tu che dice? Chest'è rraù?
E io m' 'o mmagno pè m' 'o mangià...
M' 'a faje dicere na parola?...
Chesta è carne c' ' a pummarola.
(Eduardo De Filippo)
Re: Le poesie di....
Inviato: lunedì 19 gennaio 2009, 21:04
da Ele
RITORNAR BAMBINI
Le cose che il bambino ama
rimangono nel regno del cuore
fino alla vecchiaia.
La cosa più bella della vita
è che la nostra anima
rimanga ad aleggiare
nei luoghi dove una volta
giocavamo.
Kahlil Gibran "Self-Portrait"