Ri gran tiempu s’aspittava
Di lu munnu lu ristoru
E la terra lu ciamava
“Manna prestu lu trisoru!”
‘Nta nu tiempu friddulusu
Ittau Cesari nu bannu
E li poveri e li signori
Tutti a scriviri si vannu
Susi pasturi nun rormiri ciù,
viri ch’è natu u bamminu Ghiesù
Susi pasturi nun rormiri ciù,
viri ch’è natu u bamminu Ghiesù
Quannu Cesari tirannu
Ittau u bannu priculusu
San Giuesepppi si trovava
‘nta la piazza rispittusu
San Giuseppi era cunfusu
Pi purtarisi a Maria
E lu tiempu era friddusu
Ci scurau ammienzu a via
Susi pasturi nun rormiri ciù…
E Maria ‘ncinta era
caminari nun putia
San Giuseppi ci ricia
arripositi Maria
San Giuseppi si partiu
Ne so amici e ne parienti
Allugghiatimi a Maria
Ca pi mia nun vuogghiu nenti
Susi pasturi nun rormiri ciù…
C’è na casa senza tettu
Ca ri tutti è abbannunata
Si ci allogghia san Giuseppi
cu Maria a ‘Mmaculata
Parturiu sta gran Signura
‘nta na povira mangiatura
‘mienzu o voi e o sciccarieddu
Nasciu Ghiesu Bamminieddu
Susi pasturi nun rormiri ciù…
O chi luci risplendenti
O chi cantu celestiali
O chi notti ri delizia
È la notti ri Natali
Si partieru tri Rignanti
Tutti tri addifferenti
E ca stidda ‘ncumpagnia
Ienu circannu a lu Missia
Susi pasturi nun rormiri ciù
Con i bimbi del "coretto" stiamo preparando i canti per la novena e tutto il periodo di Natale, questo è uno dei loro canti preferiti, dovrei postarvi la traduzione, ma perde tantissimo ...se qualcuno lo vuole fare al posto mio si accomodi pure...(dico ai siciliani di questo forum)